දිවයිනේ උතුර, උතුරු මැද, වයඹ සහ බස්නාහිර යන පළාත්වල වායු තත්ත්ව දර්ශක අගය මේ වන විට 150ත් 200ත් අතර අගයක පවතින බව වාර්තා වෙනවා.
වායුවේ ගුණාත්මකභාවය පහළයාමක් පසුගිය දිනවලදී නිරීක්ෂණය වූ බවත් එය ගෙවුණු පැය 24 තුළ ද දැකගත හැකි වූ බවත් මධ්යම පරිසර අධිකාරියේ මාධ්ය ප්රකාශක ආචාර්ය අජිත් ගුණවර්ධන මහතා පවසනවා.
මෙසේ වායු ගුණාත්මකභාවය පහළයාම සංවේදී පුද්ගලයින්ට අහිතකර තත්ත්වයක් විය හැකි අතර හුස්මගැනීමේ අපසුතාවයක් හෝ යම් ආසාත්මිකතාවයක් ඇති වුවහොත් වහාම වෛද්ය උපදෙස් ලබා ගන්නා ලෙසයි හෙතෙම දැනුම් දෙන්නේ.
අන්තර් දේශසීමා අතර සිදුවන වායු සංසරණය සහ ඊසාන දිග මෝසම සක්රිය වීමත් සමග මේ තත්ත්වය ඇති වන බව ආචාර්ය අජිත් ගුණවර්ධන මහතා පෙන්වා දෙනවා.
එමෙන්ම මෙසේ වායු ගුණාත්මකභාවය පහළ යාමට මිනිස් ක්රියාකාරකම් ද බලපාන බව ඒ මහතා සඳහන් කර සිටියා.
විශේෂයෙන් ගිනිතැබීම්, වාහනවලින් පිටවන දුමාරය ආදිය මේ සඳහා හේතුවන අතර ප්ලාස්ටික්, පොලිතීන් වැනි ද්රව්ය පිලිස්සීමෙන් වළකින ලෙස ද මහජනතාවගෙන් ඉල්ලීමක් කර තිබේ.

