මෙවර පළාත් පාලන ආයතන ඡන්ද විමසීමේදී කිසිදු පක්ෂයක් විසින් බහුතර බලයක් හිමි නොවූ කොළඹ මහ නගර සභාවේ බලය තමන් සතු කර ගැනීමට ජාතික ජන බලවේගයට සමත් වුණා.
ඒ අනුව ඡන්ද 61 ලබාගනිමින් ජාතික ජන බලවේගයේ ව්රායි කැලි බල්තසාර් මහත්මිය කොළඹ පුරපති ලෙස තේරී පත්වුණි.
කොළඹ නගරාධිපති ධුරයට සමගි ජන බලවේගයේ රීසා සරුක්ගේ නම යෝජනා වූ අතර, ජාතික ජන බලවේගයෙන් ව්රායි කැලි බල්තසාර්ගේ නම යෝජනා වුණා.
ඒ අනුව රහස් ඡන්ද විමසීමක් මඟින් කොළඹ 26 වන පුරපතිවරිය ලෙස ව්රායි කැලි බල්තසාර් වැඩි ඡන්ද 7කින් තේරී පත්විය.
සමගි ජන බලවේගයේ රීසා සරුක් මහතා ඡන්ද 54ක් හිමිකර ගත් අතර, ඡන්ද දෙකක් ප්රතික්ෂේප වී තිබුණි.
මේ අතර, බහුතර එකඟතාවය මත නියෝජ්ය නගරාධිපති ලෙස හේමන්ත කුමාර මහතා තේරී පත්වුණි.
කොළඹ මහ නගර සභාවේ මංගල රැස්වීම බස්නාහිර පළාත් පාලන කොමසාරිස් සාරංගිකා ජයසුන්දර මහත්මියගේ ප්රධානත්වයෙන් අද (16) උදෑසන 9.30ට ආරම්භ වුණි.

