මෙවර උසස් පෙළ විභාගයේ කෘෂි විද්යාව ප්රශ්න පත්රයේ ප්රශ්න කිහිපයක් සමාජ මාධ්ය ඔස්සේ සංසරණය වීමේ සිද්ධිය සම්බන්ධයෙන් කෘෂිකර්මය විෂය ඉගැන්වීමේ නිරත රජයේ පාසලක ගුරුවරයෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
ඔහු 52 හැවිරිදි අම්පාර ප්රදේශයේ ප්රසිද්ධ රජයේ පාසලක උසස් පෙළ කෘෂිකර්ම ගුරුවරයෙකු බවයි පොලිස් මාධ්ය ප්රකාශක ජ්යේෂ්ඨ පොලිස් අධිකාරී නීතිඥ නිහාල් තල්දූව මහතා සඳහන් කළේ.
සැකකාර ගුරුවරයා අම්පාර මහෙස්ත්රාත් අධිකරණයට ඉදිරිපත් කිරීමෙන් අනතුරුව එළඹෙන 26 වනදා දක්වා රිමාන්ඩ් බන්ධනාගාරගතකර තිබෙනවා.
සැකකරු විසින් මෙවර උසස් පෙළ විභාගයේ කෘෂි විද්යාව ප්රශ්න පත්රයේ 1 කොටස ජනවාරි මස 08 වනදා නිකුත් කර ඇති බවත් එහි දෙවන කොටස ජනවාරි මස 10 වනදා නිකුත් කර ඇති බවත් පොලීසිය සඳහන් කරනවා.
ඔහුගේ නිවෙස පරික්ෂා කිරීමේ දී ඔහුගේ අත් අකුරින්ම ලියන ලද උසස්පෙළ කෘෂි විද්යාව ප්රශ්න පත්රයද සොයා ගෙන තිබෙනවා.

