රටක් ලෙස වැටුණු තැනින් අප ඉදිරියට පැමිණ තිබුණද, තවම ගමන අවසන් නැති බවත්, අපේක්ෂිත අරමුණ ඉටුකර ගැනීමට නම් සියලුදෙනා එක්ව ඉතා ඉවසීමෙන් යුතුව ඉදිරියට යා යුතු බවත් ජනාධිපති රනිල් වික්රමසිංහ මහතා අවධාරණය කරනවා.
දේශපාලන ප්රතිපත්ති මාලා වෙනුවට ආණ්ඩුක්රම ව්යවස්ථාවේ 06 වන පරිච්ඡේදයේ “රාජ්ය ප්රතිපත්ති මෙහෙයවීමේ මූලධර්මය හා මූලික යුතුකම්” අනුව ක්රියා කිරීමට වත්මන් රජය සෑමවිටම කටයුතු කරන බව යි ජනාධිපතිවරයා පැවසුවේ.
අද (28) පෙරවරුවේ කොළඹ සුගතදාස ගෘහස්ථ ක්රීඩාංගනයේ දී පැවති 2023 සණස ජාතික සම්මේලනය අමතමිනුයි ජනාධිපති රනිල් වික්රමසිංහ මහතා මේ බව සඳහන් කර සිටියේ.
සණස නිර්මාතෘ ආචාර්ය පී . ඒ. කිරිවන්දෙණිය මහතාගේ සංකල්පයක් මත ” වැය අඩු කරමු – අය වැඩි කරමු ” යන තේමාව යටතේ ක්රියාත්මක සණස සමිති 1250ක් සංවර්ධනය කිරීම තුළින් ගම්මාන 5,000ක් සංවර්ධනය කිරීමේ ජාතික වැඩසටහනට අදාල තුන් අවුරුදු ඉදිරි සැලසුම එළි දැක්වීම ද මෙහි දී සිදු කෙරිණි.

