ඉතිහාසයේ දරුණුතම ආර්ථික අර්බුදය මධ්යයේ වූවද රටේ ජනතාවගේ ජීවන තත්ත්වය, සහ අවදානමට ලක්විය හැකි ජනතාවගේ ජීවන තත්ත්වය වැඩිදියුණු කිරීම කෙරෙහි විශේෂ අවධානයක් යොමු කරමින් ඉදිරි වසර සඳහා වන අයවැය පාර්ලිමේන්තුවට ඉදිරිපත් කර ඇති බව ජනාධිපති රනිල් වික්රමසිංහ මහතා ප්රකාශ කරනවා.
“ගෝලීය දකුණේ හඬ” සමුළුවේ රාජ්ය නායක සැසිය පසුගිය 17 වනදා online ඔස්සේ අමතමින් ජනාධිපති රනිල් වික්රමසිංහ මහතා මේ බව සඳහන් කර සිටියා.
දෙවැනි වරට පැවැත්වූ මෙම සමුළුව, ඉන්දීය අග්රාමාත්ය නරේන්ද්ර මෝදි මහතාගේ ප්රධානත්වයෙන් ඉන්දියාවේදි ආරම්භ වූ අතර සංවර්ධනය වෙමින් පවතින රටවල රාජ්ය නායකයින් රැසක් ඊට එක්ව සිටියා.
සමුළුවට සහභාගී වීම සඳහා ඉන්දීය අග්රාමාත්ය නරේන්ද්ර මෝදි මහතා විසින් කළ ආරාධනයට සිය ස්තූතිය පළ කළ ජනාධිපති රනිල් වික්රමසිංහ මහතා මෙම සමුළුව සංවිධානය කරමින් ඉන්දියාව සිදු කරන කාර්යභාරය ද අගය කිරීමට ලක් කළා.

