පොදු ව්යාපාර පිළිබඳ පාර්ලිමේන්තු කාරක සභාවේ (කෝප් කමිටුවේ) සභාපති මහාචාර්ය රංජිත් බණ්ඩාර මහතාට එරෙහිව විශ්වාසභංග යෝජනාවක් බාර දීමට සමගි ජන බලවේගය තීරණය කර තිබෙනවා.
ශ්රී ලංකා ක්රිකට් ආයතනය සහ මහාචාර්ය රංජිත් බණ්ඩාර මහතා අතර ඇතැයි පැවසෙන සබඳතා හේතුවෙන් ඔහු එම කමිටුවේ මුල් පුටුවේ තබා ගෙන ක්රිකට් ආයතනය සම්බන්ධයෙන් කතාබස් කිරීම ඵලදායි කරුණක් නොවන බවයි ඔවුන් පෙන්වා දෙන්නේ.
එසේම රංජිත් බණ්ඩාර මහතාගේ මූලිකත්වය යටතේ ශ්රී ලංකා ක්රිකට් ආයතනයේ දූෂණ වංචා සහ අක්රමිකතා විමර්ශනය කිරීමට තමන් කිසිසේත් එකඟ නොවන බවද ඔවුන් සඳහන් කරනවා.
අදාළ විශ්වාසභංග යෝජනාව හෙට කතානායකවරයාට බාර දීමට නියමිතයි.

