ආර්ථික කොමිෂන් සභාව පිහිටුවීමට සහ නව ආයෝජන පනත් කෙටුම්පත සකස් කිරීම සඳහා කැබිනට් අනුමැතිය ලැබී තිබෙනවා.
ආයෝජන සහ අපනයන ප්රවර්ධනය සඳහා වඩාත් හිතකර පරිසරයක් නිර්මාණය කිරීම පිණිස සවිමත් යාන්ත්රණයක් පැවතීමේ අවශ්යතාවය සැලකිල්ලට ගෙන ආයෝජන මණ්ඩලය සහ අපනයන සංවර්ධන මණ්ඩලය ඒකාබද්ධ කරමින් නව ආයතනයක් ස්ථාපිත කිරීම සඳහා මින් පෙර කැබිනට් අනුමැතිය හිමි වී තිබුණා.
ඒ අනුව ඒ සඳහා අවශ්ය පියවර ගැනීම පිණිස අදාල ක්ෂේත්රවල විශේෂඥතාව සහිත පුද්ගලයන්ගෙන් සමන්විත අපනයන හා ආයෝජන පිළිබඳ අධීක්ෂණ කමිටුවක් ජනාධිපති කාර්යාලය යටතේ කර ඇති බවයි වාර්තා වෙන්නේ.
එම කමිටුව විසින් අදාල කරුණු අධ්යයනය කර නව ආයතනික ව්යුහයක් පිහිටුවීම සඳහා වන යෝජනා ඉදිරිපත් කර ඇති අතර එම යෝජනා මත පදනම නව ආයෝජන සහ අපනයන ප්රවර්ධන ආයතනික සැලැස්මක් හඳුන්වා දීමටත් ඒ යටතේ ශ්රී ලංකා ආර්ථික කොමිෂන් සභාව සහ ඒ ආශ්රිත ඒකක ආයතනිකව පිහිටුවීම ආරම්භ කිරීමටත් අදාල පියවර ගැනීම පිණිස ජනාධිපතිවරයා ඉදිරිපත් කළ යෝජනාවට කැබිනට් මණ්ඩල අනුමැතිය ලැබී තිබේ.

