ලබන වසරේ සිට බිත්තර සහ කුකුළු මස් මිල පහළ යා හැකි අතර යළිත් මිල ඉහළ යාමක් සිදු නොවනු ඇති බව කෘෂිකර්ම අමාත්ය මහින්ද අමරවීර ප්රකාශ කරනවා.
‘ස්ථාවර රටකට සැවොම එක මඟකට’ මැයෙන් ඊයේ ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමින් අමාත්යවරයා සඳහන් කළේ ලබන වසරේ සිට බිත්තර ආනයනය සඳහා ද අවශ්යතාවක් මතු නොවන බවයි.
රටට අවශ්ය කුකුළු මස් හා බිත්තර නිෂ්පාදනය 100%ක්ම සිදු වන්නේ පුද්ගලික අංශයෙන් වන අතර මේ වන විට සියලු ගොවිපොළවල කුකුළු පැටව් ප්රමාණය 3,420,000ක් ඉක්මවා තිබෙන බවයි අමාත්යවරයා පෙන්වා දෙන්නේ.
එසේම කුකුළු කර්මාන්තයට අවශ්ය ආහාර නිෂ්පාදනය සඳහා බඩඉරිඟු ආනයනය සඳහා ද මෙම කර්මාන්තකරුවන්ට මේ වන විට අවස්ථාව ලබා දී ඇති අතර ඉදිරියේ දී එහි වාසිය ද පාරිභෝගිකයන්ට ලැබෙනු ඇති බවයි ඔහු වැඩිදුරටත් පවසන්නේ.

