පාර්ලිමේන්තු මන්ත්රීවරුන් සඳහා වූ සමූහ රක්ෂණාවරණ සීමාව සංශෝධනය කිරීමට මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල මහතා ඉදිරිපත් කළ යෝජනාවට අමාත්ය මණ්ඩල අනුමැතිය හිමිව තිබෙනවා.
ඒ අනුව 2025.10.09 වන දිනෙන් ආරම්භ වීමට නියමිත මීළඟ රක්ෂණ වර්ෂයේ සිට පාර්ලිමේන්තු මන්ත්රීවරයෙකු සඳහා වන රක්ෂණාවරණයේ ප්රතිලාභ රුපියල් 250,000කට සීමා වනු ඇත.
එක් පාර්ලිමේන්තු මන්ත්රීවරයෙකු සඳහා වර්ෂයක් සඳහා රුපියල් මිලියනයක උපරිම රක්ෂණාවරණයකට යටත්වන අයුරින් සමූහ රක්ෂණාවරණයක් ක්රියාත්මක කිරීමට 2023.05.15 වන දින කැබිනට් අනුමැතිය හිමිව තිබුණි.
ඒ අනුව පසුගිය කාලය තුළ එම රක්ෂණාවරණය සලසා දී ඇත.
මෙවර අයවැය ඉදිරිපත් කරන අවස්ථාවේදී එම රක්ෂණාවරණ සීමාව රුපියල් 250,000 දක්වා අඩුකිරීමට යෝජනා වී තිබුණා.

