තමාට අවශ්ය මෙරට ක්රිකට් ක්රීඩාව නැවත ජයග්රහණය කරවීමට බවත්, රටේ කඩාවැටුණු ආර්ථිකය යළි ගොඩනැඟීමට හැකි නම් ක්රිකට් ක්රීඩාව ද යළි නගාසිටුවිය හැකි බවත් ජනාධිපති රනිල් වික්රමසිංහ මහතා අවධාරණය කර තිබෙනවා.
2024 රාජ්ය අය වැය පිළිබඳ මාධ්ය ආයතන ප්රධානීන් දැනුවත් කිරීම සඳහා ඊයේ කැඳවා තිබූ සාකච්ඡාවක් අතරතුර දී ජනාධිපතිවරයා මේ බව සඳහන් කළා.
මෙහිදී වැඩිදුරටත් අදහස් දැක්වූ ජනාධිපතිවරයා කියා සිටියේ මෙවර අයවැය රටේ ආර්ථිකය සහ දේශපාලනය වෙනස් කරන අයවැයක් බවයි.
රටේ බිඳවැටුණු ආර්ථිකය යළි ගොඩනැඟීම තම අරමුණු වන අතර එම ඉලක්කයට තමා දැනටමත් ළඟාවෙමින් සිටින බව පැවසු හෙතෙම දේශපාලනයකින් තොරව එම ඉලක්කය සාර්ථක ලෙස අවසන් කිරීම තම අභිප්රාය බවද පවසනු ලැබුවා.

