සිංහල සහ දෙමළ අලුත් අවුරුද්ද වෙනුවෙන් ගම් බිම් බලා ගිය මගී ජනතාවගේ අවශ්යතාවය අනුව අද (15) දිනයේ සිට බස් රථ ධාවනයට එක්කිරීමට කටයුතු කරන බව ජාතික ගමනාගමන කොමිෂන් සභාව පවසනවා.
සියලුම පළාත් ප්රවාහන අධිකාරීවලට ඒ සඳහා අවශ්ය උපදෙස් ලබා දී ඇති බවයි එහි ධාවන අධ්යක්ෂ ශෙරීන් අතුකෝරල මහත්මිය සඳහන් කළේ.
මේ අතර අද සාමාන්ය කාර්යාල දිනයක් බැවින් කාර්යාල දුම්රිය ධාවනය සාමාන්ය පරිදි සිදුකිරීමට සැලසුම් කර ඇති බව දුම්රිය දෙපාර්තමේන්තුව පවසනවා.

