අද (31) මධ්යම රාත්රියේ සිට ෆ්රයිඩ් රයිස් සහ කොත්තු මිල රු 30කින් ඉහළ දමා ඇති බව ආපනශාලා හිමියන්ගේ සංගමය පවසනවා.
එසේම කෙටි කෑම මිලද රුපියල් 10කින් ඉහළ නංවා ඇති බවයි එම සංගමයේ සභාපති, හර්ෂණ රුක්ෂාන් මහතා පවසන්නේ.
ප්ලේන්ටියක් සහ කිරි තේ එකක මිල ද රුපියල් 5කින් ඉහළ දමා ඇත.
අප්රේල් මස 1 වෙනිදා සිට විදුලි බිල ඉහළ යෑම හේතුවෙන් මෙලෙස ආහාර ද්රව්ය මිල ගණන් ඉහළ දැමීමට සිදුවන බවද ආපනශාලා හිමියන්ගේ සංගමය පෙන්වා දෙනවා.
ආපනාශාලා පවත්වාගෙන යනු ලබන සෑම ස්ථානයකම විදුලි බිල ඒකක 180 ඉක්මවා යනු ඇති බවත් එවැනි තත්ත්වයක් තුළ විශාල විදුලි බිලක් දැරීමට සිදුවීම හේතුවෙන් කර්මාන්තය ඉදිරියට පවත්වාගෙන යෑම සඳහා මෙලෙස මිල ගණන් ඉහළ දැමීමට තීරණය කළ බවයි හර්ෂණ රුක්ෂාන් මහතා වැඩිදුරටත් සඳහන් කළේ.

