මැද පෙරදිග කලාපයේ පවතින යුද ගැටුම් හේතුවෙන් ඉදිරියේදී මතුවිය හැකි ඉන්ධන සැපයුම් ගැටලුවට මුහුණදීම සඳහා, නැවත දැනුම් දෙන තුරු සතියේ සෑම බදාදා දිනක්ම රජයේ විශේෂ නිවාඩු දිනයක් ලෙස ප්රකාශයට පත් කරන බව අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා පැවසීය.
අද (16) පස්වරුවේ රජයේ ප්රවෘත්ති දෙපාර්තමේන්තුවේ පැවති විශේෂ මාධ්ය හමුවකට එක්වෙමින් ඒ මහතා මේ බව ප්රකාශ කළේය.
තවද, වැඩකරන සතියේ ඉතිරි දින හතර තුළ සේවා ස්ථානවලට කැඳවිය යුතු සේවක සංඛ්යාව සම්බන්ධයෙන් අවශ්ය තීරණ ගැනීමට රාජ්ය ආයතන ප්රධානීන්ට බලය ලබා දී ඇති බවද ඒ මහතා සඳහන් කළේය.
පාසල් සහ විශ්වවිද්යාල එමෙන්ම අධිකරණ ක්ෂේත්රයට ද මෙම දිනය නිවාඩු දිනයක් ලෙස සැලකීමට තීරණය කර තිබේ.
කෙසේ නමුත් සෞඛ්ය, වාරාය, ජලය සහ රේගුව වැනි අත්යාවශ්ය සේවා සඳහා මෙම නිවාඩු දිනය අදාළ නොවේ.
මෙම තීරණය පෞද්ගලික අංශයටත් අදාළ කර ගැනීමට කටයුතු කර ලෙසට වාණිජ මණ්ඩලයෙන් සහ ලංකා සේවක සම්මේලනයෙන් ද ඉල්ලීම් කර ඇති බවයි අත්යවශ්ය සේවා කොමසාරිස්වරයා සඳහන් කළේ.
මේ අතර සියලු රාජ්ය උත්සව කටයුතු තාවකාලිකව නවතා දැමීමටද තීරණය කර තිබේ.
එමෙන්ම අවශ්ය පරිදි Zoom තාක්ෂණය ඔස්සේ විශ්වවිද්යාලවල දේශන කටයුතු කිරීමට අවසර ලබා දී තිබෙනවා.

