මීගමුව හා කටාන ප්‍රදේශවලට ජල කප්පාදුවක්

මීගමුව හා කටාන යන ප්‍රදේශ සඳහා අනිද්දා  (12) පෙ.ව 8 සිට මධ්‍යම රාත්‍රී 12 දක්වා පැය 16ක ජල කප්පාදුවක් සිදුකරන බව ජාතික ජල සම්පාදන හා ජලාපවහන මණ්ඩලය නිවේදනය කරනවා. 

ඒ අනුව මීගමුව මහ නගර සභා සීමාවට අයත් සියලුම ප්‍රදේශවල, කටාන ප්‍රාදේශීය සභාවට අයත් ප්‍රදේශය හා ඇතියාවල, ජන්කුරවෙල, කළුවරිප්පුව, මිරිස්වත්ත, කෝන්ගොඩමුල්ල, හල්පේ, ඇණ්ඩිමුල්ල, අම්බලයාය, තොප්පුව, වයික්කාල යන ග්‍රාම නිලධාරී වසමට මෙලෙස ජල කප්පාදුව බලපැවැත්වේ.

බම්බුකුලිය ජල පිරිපහදු මධ්‍යස්ථානයේ අත්‍යාවශ්‍ය නඩත්තු කටයුතු හේතුවෙන් මෙම ජල කප්පාදුව සිදු කිරිමට නියමිතයි.

මේ සම්බන්ධයෙන් කනගාටුව පළ කරන අතර, ඉතා අරපිරිමැස්මෙන් ජලය පරිභෝජනය කරන ලෙස ද ජාතික ජල සම්පාදන සහ ජලපවහන මණ්ඩලය ජනතාවගෙන් ඉල්ලා සිටිනවා.