අක්රමවත් ලෙස සිදුකරන ස්ථානමාරු කිරීම්වලට විරෝධය පළ කරමින් අද (22) දින කොළඹ ජාතික අක්ෂි රෝහලේ වෛද්යවරුන් වැඩවර්ජනයක නිරත වන බව රජයේ වෛද්ය නිලධාරීන්ගේ සංගමය පවසනවා.
අද උදෑසන 8.00 සිට මෙම වැඩවර්ජනය ආරම්භ කිරීමට සැලසුම් කර ඇති බවයි එහි මාධ්ය ප්රකාශක වෛද්ය චමිල් විජේසිංහ මහතා පැවසුවේ.
මේ අතර නැගෙනහිර පළාතේ රෝහල්වල ක්රියාත්මක වැඩවර්ජනය තවදුරටත් ක්රියාත්මකයි.
වෛද්යවරුන්ගේ දීමනා ගැටලුවට රජය ලබාදුන් පොරොන්දු ඉටුකිරීමට මේ දක්වාත් කටයුතු නොකර සිටීම හේතුවෙන් හෙට (23) සිට අඛණ්ඩ දීප ව්යාප්ත වෘත්තීය සමිති ක්රියාමාර්ගයක් ආරම්භ කිරීමට ද සැලසුම් කර ඇති බවයි වෛද්ය චමිල් විජේසිංහ මහතා වැඩිදුරටත් සඳහන් කළේ.

