අස්වැසුම වාර්ෂික තොරතුරු යතාවත් කිරීම් මේ වන විට ආරම්භ වී ඇති බව සුබසාධක ප්රතිලාභ මණ්ඩලය සඳහන් කරනවා.
එම මණ්ඩලය පැවසුවේ 2023 කාලය තුළ අස්වැසුම පළමුවරට ලියාපචිංචි වී දැනට ප්රතිලාභ ලබන සහ නොලබන පවුල්/ තැනැත්න් මෙම යතාවත් කිරීම් සිදු කිරීම් සිදුකළ යුතු බවය.
කෙසේ වෙතත් 2024 වසරේ දුක්ගැනවිලි ලබා දුන් අයදුම්කරුවන්ට තොරතුරු යථාවත් කිරී අනිවාර්ය නොවේ. තොරතුරු සමීක්ෂණය සඳහා එම අයදුම්කරුවන් දැනටමත් යොමු කර තිබීම මිට හේතුව බවයි මණ්ඩලය සඳහන් කරන්නේ.
එමෙන්ම නැවත තොරතුරු සහතික කිරීමේදී පවුලේ සාමාජිකයින්ගේ ජාතික හැඳුනුම්පතේ සහ සක්රීය ජංගම දුරකථන අංකයක් තිබීම අත්යවශය කර තිබෙනවා.
එම මණ්ඩලය සඳහන් කළේ අන්තර්ජාල සහිත පරිගණකයකින් හෝ ස්මාර්ට් ජංගම දුරකථනයකින් https://eservices.wbb.gov.lk යන වෙබ් ලිපිනයට පිවිස QR පත්රයේ සඳහන් තමාගේ HH අංකය සහ ජාතික හැඳුනුම්පත් අංකය යොදා තොරතුරු පද්ධතියට පිවිස තොරතුරු සහතික කිරීමේ මෙනුවට ගොස් පවුලේ තොරතුරු ඇතුළත් කළ හැකි බවත් එසේ නොමැති නම් ප්රාදේශීය ලේකම් කාර්යාලයේ සුබසාධක ප්රතිලාභ තොරතුරු ඒකකයට පිවිසීමෙන් හෝ වසම්භාර ග්රාම නිලධාරීවරයා මගින් වාර්ෂික තොරතුරු යථාවත් කිරීමේ අයදුම්පත්රයක් මගින් ප්රාදේශීය ලේකම් කාර්යාලයේ සුබසාධක ප්රතිලාභ ඒකකයට භාර දිය හැකි බවය.
ඒ අනුව අස්වැසුම පළමු අදියරේ සියලුම පවුල් සහ තැනැත්තන් තොරතුරු යථාවත් කිරීමට සහභාගී වීම අනිවාර්ය වන බවත් සහභාගී නොවූ පවුල් සහ තැනැත්තන් ඉදිරි වර්ෂයේදී අස්වැසුම ප්රතිලාභයට සුදුසුකම් නොලබන අය ලෙස සලකනු ලබන බවත් එම මණ්ඩලය වැඩිදුරටත් සඳහන් කරනවා.

