රාජ්ය ආයතනවල ගොඩගැසී ඇති අනවශ්ය දෑ ඉවත් කිරීම සඳහා විශේෂ වැඩපිළිවෙලක් ක්රියාත්මක කිරීමට රජය සැලසුම් කර තිබෙනවා.
“සෙයිරි සතිය” නමින් ප්රකාශයට පත් කර ඇති එම වැඩපිළිවෙල සැප්තැම්බර් මස පළමු දින සිට 4 දින දක්වා ක්රියාත්මක කිරීමට නියමිතය.
රාජ්ය ආයතන තුළ සිටින නිලධාරීන් හට තම රාජකාරී කටයුතු නිසි පරිදි නිදහස්ව සිදුකිරීමට සුදුසු පිරිසිදු හා සෞඛ්ය ආරක්ෂිත අනතුරුදායක නොවන වටපිටාවක් නිර්මාණය කරදීම මෙම වැඩපිළිවෙළේ අරමුණ ලෙස දක්වා තිබෙනවා.
ඒ සඳහා රාජ්ය පරිපාලන පළාත් සභා සහ පළාත් පාලන අමාත්යාංශ ලේකම්වරයා විසින් විශේෂ චක්රලේඛයක් නිකුත් කර ඇති අතර එය සියලු අමාත්යාංශ ලේකම්වරුන්, පළාත් ප්රධාන ලෙක්ම්වරුන්, දෙපාර්තමේන්තු ප්රධානීන්, දිස්ත්රික් ලේකම්වරුන්, රාජ්ය සංස්ථා හා ව්යවස්ථාපිත මණ්ඩල ප්රධානීන් වෙත යොමුකර ඇති බව සඳහන්ය.
ක්ලීන් ශ්රී ලංකා ජාතික වැඩසටහනට සමගාමීව මෙය ක්රියාත්මක කිරිමට නියමිතයි.

