වත්කම් හා බැරකම් ප්රකාශ ලබා නොදුන් රාජ්ය නිලධාරීන්ගෙන් අද (14) දිනයෙන් පසු දඩ අයකර ගැනීමට කටයුතු කරන බව අල්ලස් හෝ දූෂණ චෝදනා විමර්ශන කොමිෂන් සභාව පවසනවා.
එම කොමිෂන් සභාව පවසන්නේ තවත් විශාල පිරිසක් වත්කම් හා බැරකම් ප්රකාශ ලබාදීමට නියමිතව ඇති බවයි කොමිසන් සභාව සඳහන් කරන්නේ.
ඒ අනුව හෙට (15) දිනයෙන් පසු එම ප්රකාශ ලබාදෙන රාජ්ය නිලධාරීන්ගෙන් නව දූෂණ විරෝධී පතන ප්රකාරව දඩ අය කර ගැනීමට තීරණය කර තිබෙනවා.
2023 අංක 09 දරණ දූෂණ විරෝධී පනත ප්රකාරව 2025 වර්ෂය සඳහා වත්කම් සහ බැරකම් ප්රකාශ ලබාදීමේදී මධ්යගත ඉලෙක්ට්රොනික ඉදිරිපත් කිරීමේ පද්ධතිය බලාත්මකභාවයට එළැඹෙන තෙක් වත්කම් සහ බැරකම් පිළිබඳ ප්රකාශ ලිඛිතව ඉදිරිපත් කිරීමට අවස්ථාව ලබා දී ඇත.
පසුගිය ජුනි මස 30 වන දිනට වත්කම් බැරකම් ප්රකාශ භාර නොදුන් රජයේ නිලධාරීන්ට එම ප්රකාශ ලබා දීම සඳහා තවත් සති 02ක සහන කාලයක් හිමි වූ අතර එම කාලය තුළ වත්කම් බැරකම් ප්රකාශ ලබා දුන් නිලධාරීන්ට අවවාද ලිපි නිකුත් කරනු ලබන බව කොමිසම පවසයි.
අදාළ සහන කාලය අදින් අවසන් වන අතර මේ වනවිටත් වත්කම් බැරකම් ප්රකාශ භාර නොදුන් නිලධාරීන්ගේ නම් ඇතුළත් ලැයිස්තුව ආයතන ප්රධානීන් විසින් ඉදිරි දිනවලදී අල්ලස් හෝ දූෂණ චෝදනා විමර්ශණ කොමිෂන් සභාවට යොමු කළ යුතු බව සඳහන්ය.

