පොල් ගසක් කපන්න පෙර අවසර ගැනීම අනිවාර්යය වෙයි

පොල් ගස් කැපීමට පෙර ප්‍රාදේශීය ලේකම්වරයාගෙන් සහ මණ්ඩලයෙන් අනිවාර්යයෙන් අවසරය ලබා ගත යුතු බව පොල් සංවර්ධන මණ්ඩලය පවසනවා.

2023 ගස් හෙලීමේ පනතට අනුව පොල් ගස් කැපීමේදී ද අවසරයක් ලබා ගත යුතු නමුත් ජනතාවගේ නොදැනුවත් බව නිසා අවසරයකින් තොරව ගස් කැපීමේ ප්‍රවණතාවක් පෙන්නුම් කරන බවයි එම මණ්ඩලය පෙන්වා දෙන්නේ.

ඒ අනුව නිසි අවසරයකින් තොරව පොල් ගස් කපන පුද්ගලයින් මාස 6 ක සිර දඩුවමකට යටත්විය හැකි අතර එක් ගසකට 5000 ක දඩයක් ගෙවිය යුතු බව පොල් සංවර්ධන මණ්ඩලය සඳහන් කරනවා.