ලෙබනනයේ බේරූට් අගනුවර ඇතුළු ප්රදේශ ගණනාවක පිපිරීම් රැසක් වාර්තා වී ඇති බව විදෙස් මාධ්ය වර්තා සඳහන් කරනවා.
මෙම පිපිරීම් හේතුවෙන් 09 දෙනෙකු මියගොස් 2,800ක් තුවාල ලබා ඇති බවයි එරට සෞඛ්ය අමාත්යවරයා පවසන්නේ.
තුවාල ලැබූ පුද්ගලයින්ගෙන් 200ක පමණ පිරිසකගේ තත්ත්වය බරපතළ බවයි වාර්තා වෙන්නේ.
තුවාල ලැබුවන් අතර ලෙබනනයේ ඉරාන තානාපතිවරයා ද සිටිනවා .
ලෙබනනයේ ක්රියාත්මක හිස්බුල්ලා සංවිධානයේ සාමාජිකයින් සිය පණිවුඩ හුවමාරු සඳහා යොදා ගන්නා “පේජර් (pagers) පණිවුඩ හුවමාරු” යන්ත්ර එකවර පුපුරා යෑමෙන් ඔවුන් මෙලෙස තුවාල ලබා ඇති බව වාර්තා වේ.
මාර්ග අසල, සාප්පු සංකීර්ණ, වෙළෙඳසැල්වලදී මෙන්ම නිවෙස් ආශ්රිතව මෙම පිපිරීම් සිදුව තිබේ.
මෙම පිපිරීම් ඊශ්රායල් ආරක්ෂක අංශ විසින් සිදුකරඇති බව හිස්බුල්ලා සටන්කාමීන් චෝදනා කරයි.
ඊශ්රායල් ආරක්ෂක අංශ විසින් අලුතින් හඳුන්වා දී තිබෙන රේඩියෝ සංඥා ජෑමර් පද්ධතිය උපයෝගී කර ගනිමින් මෙම සයිබර් මෙහෙයුම සිදුකර තිබෙන බව සඳහන් වේ.
මෙම පිපිරීම්වලින් හිස්බුල්ලා සංවිධානයේ ජ්යෙෂ්ඨ නායකයෙකු ඇතුළුව තවත් සාමාජිකයින් රැසක් ජිවිතක්ෂයට පත්ව ඇති බව විදෙස් වාර්තා සඳහන් කළේය.

