වර්ෂාවත් සමඟ යළිත් ඩෙංගු අවදානමක්

නිරිත දිග මෝසම් වර්ෂාවත් සමඟ ඉදිරියේදී ඩෙංගු මදුරුවන් බෝවීමේ වර්ධනයක් සිදුවිය හැකි බව සෞඛ්‍ය අමාත්‍යාංශයේ ජාතික ඩෙංගු මර්දන ඒකකය පවසනවා.

එහි අධ්‍යක්ෂ විශේෂඥ වෛද්‍ය සුදත් සමරවීර මහතා සඳහන් කළේ මේ වසරේ මේ දක්වා කාලය තුළ ඩෙංගු රෝගීන් 23,000ක් වාර්තා වී ඇති බවයි.

කොළඹ, ගම්පහ, කළුතර සහ යාපනය යන දිස්ත්‍රික්කවල මේ වින විට ඩෙංගු රෝගය සීඝ්‍රයෙන් පැතිර යමින් තිබෙන අතර වැඩිම රෝගීන් ප්‍රමාණයක් වාර්තා වන්නේ කොළඹ දිස්ත්‍රික්කයෙන්.

මැයි 26 සිට ජාතික ඩෙංගු මර්දන සතියක් ද නම් කර තිබෙනවා.