ප්‍රදේශ කිහිපයකට නායයෑමේ අනතුරු ඇඟවීම්

ඇද හැලෙන අධික වැසි තත්ත්වයත් සමග ජාතික ගොඩනැගිලි පර්යේෂණ සංවිධානය විසින් ප්‍රදේශ කිහිපයකට නායයෑමේ අනතුරු ඇඟවීමේ නිවේදන නිකුත් කර තිබෙනවා.

ඒ අනුව පහත ප්‍රදේශ සඳහා පළමු මට්ටමේ නායයෑමේ අනතුරු ඇඟවීම් නිකුත් කර තිබෙනවා.

  • බදුල්ල දිස්ත්‍රික්කයේ ඇල්ල සහ හල්දුම්මුල්ල ප්‍රදේශ
  • මහනුවර දිස්ත්‍රික්කයේ උඩුදුම්බර, උඩපළාත සහ මැදදුම්බර ප්‍රදේශ
  • කුරුණෑගල දිස්ත්‍රික්කයේ මාවත්ගම සහ පොල්ගහවෙල,
  • මාතලේ දිස්ත්‍රික්කයේ උකුවෙල අඹන්ගඟ කෝරළේ සහ ලග්ගල පල්ලේගම ප්‍රදේශ
  • නුවරඑළිය දිස්ත්‍රික්කයේ හඟුරන්කෙත
  • රත්නපුර දිස්ත්‍රික්කයේ කලවාන සහ කුරුවිට ප්‍රදේශ