වතු කම්කරුවන්ගේ වැටුප් වැඩි කිරීමට අදාළව එකඟතාවයකට එළැඹෙන ලෙස ජනාධිපති රනිල් වික්රමසිංහ මහතා වැවිලි සමාගම් ප්රධානීන්ට උපදෙස් ලබා දී තිබෙනවා.
ජනාධිපතිවරයා අවධරණය කළේ වතු කම්කරුවන් ඉල්ලා සිටින අවම දෛනික වැටුප වන රුපියල් 1700ක මුදල ලබා දීම හෝ වැඩි කරන වැටුප් ප්රමාණය පිළිබඳව මෙම දෙසැම්බර් මස 31 වනදාට පෙර දැනුම් දෙන ලෙසයි.
වැවිලි සමාගම් ප්රධානීන් සමග අද (08)පෙරවරුවේ ජනාධිපති කාර්යාලයේ පැවති සාකච්ඡාවක් අතරතුර දී ජනාධිපතිවරයා විසින් මේ බව සඳහන් කරනු ලැබුවා.
මෙවර අයවැයෙන් යෝජනා කරන ලද කෘෂිකාර්මික නවීකරණ වැඩපිළිවෙලට අනුව ප්රාදේශීය වැවිලි සමාගම් ඔවුන්ගේ වැඩපිළිවෙළ සකස් කරගන්නේ කෙසේද යන්න සොයා බැලීම සඳහා මෙම සාකච්ඡාව කැඳවා තිබිණි.
වතු කම්කරු ජනතාවට ඉඩම් අයිතිය ලබාදීමට ක්රියාත්මක කළ වැඩපිළිවෙළ පිළිබඳවද මෙහිදී සාකච්ඡා කිරීමට ලක් වී තිබෙනවා..
වතු කම්කරු ජනතාවගේ නිවාස අවශ්යතාව පිළිබඳව සාකච්ඡා කිරීමට එක් කමිටුවක් පත් කිරීමටත්, වතු කම්කරුවන් සහ වැවිලි සමාගම් නියෝජනය කරමින් තවත් කමිටුව පත් කිරීමටත් මෙහිදී යෝජනා වී තිබෙනවා.

