බේරේ වැව සංවර්ධන ව්යාපෘතියේ ප්රගතිය හා ඉදිරි සැලසුම් සම්බන්ධයෙන් සකස් කළ වාර්තා ජනාධිපතිවරයා වෙත දෙසැම්බර් 15 දිනට පෙර ලබා දෙන ලෙස ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතා විසින් අදාළ ආයතන ප්රධානීන්ට උපදෙස් ලබා දී තිබෙනවා.
එසේම කොළඹ නගර අලංකරණ සැලැස්ම හා එහි වර්තමාන ප්රගතිය පිළිබඳ වාර්තාවක් ද ජනාධිපතිවරයා වෙත ඉදිරිපත් කිරීම සඳහා කඩිනමින් ලබා දෙන ලෙස සාගල රත්නායක මහතා අදාළ ආයතන ප්රධානීන්ට දැනුම් දී තිබෙනවා.
කොළඹ නගර අලංකරණ සැලැස්ම ක්රියාත්මක කිරීම හා බේරේ වැව සංවර්ධන ව්යාපෘතියේ ප්රගති සමාලෝචනය වෙනුවෙන් ඊයේ (04) ජනාධිපති කාර්යාලයේදී පැවති සාකච්ඡාවකදී සාගල රත්නායක මහතා මේ පිළිබඳව සඳහන් කර ඇත.
බේරේ වැව ආශ්රිත මහජන ක්රියාකාරකම් සඳහා සංවර්ධනය කර භාවිතා කළ හැකි හඳුනාගත් ඉඩම් කොටස් පෞද්ගලික අංශයේද සහභාගීත්වයෙන් සංවර්ධනය කිරීම මෙන්ම බේරේ වැවට හරවන ලද මළ අපද්රව්ය නළ මාර්ග වළක්වාලීම සහ වැවේ බැක්ටීරියා හා ඇල්ගී ප්රතිශතය අවම කිරීමේ ව්යාපෘතියේ වර්තමාන ප්රගතිය ද මෙහිදී විමසා බැලීම සිදු කර තිබෙනවා.
(PMD)

