ශ්රී ලංකා පොදුජන පෙරමුණ විසින් ජනාධිපති රනිල් වික්රමසිංහ මහතා වෙත විශේෂ ඉල්ලීම් හතරක් දක්වමින් ලිපියක් යොමු කර තිබෙන බව පක්ෂයේ ලේකම් පාර්ලිමේන්තු මන්ත්රී නීතිඥ සාගර කාරියවසම් මහතා පවසනවා.
සමෘද්ධි සහනාධාරය දිගටම පවත්වාගෙන යෑම, පොහොර සහනාධාරය දීම දිගටම කරගෙන යෑම,මන්ත්රී විමධ්යගත ප්රතිපාදන යළි ලබාදීම සහ රජයේ ආයතන ප්රතිව්යුහගතකරණය කිරීමේදී රැකියා නැති නොකිරීම එම ඉල්ලීම් 04 වනවා.
රටේ දුප්පත්කම නැති කිරීමට ඇති හොඳම යාන්ත්රණය සමෘද්ධි ව්යාපාරය හෙයින් එම ව්යාපාරය වෙනත් නම් ගෙනවිත් වෙනස් කිරීම සුදුසු නැති බව ශ්රී ලංකා පොදුජන පෙරමුණ ජනාධිපතිවරයාට යැවූ ලිපියෙන් අවධාරණය කර ඇති බව සඳහන්.

