බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් අද විටින් විට වැසි ඇති විය හැකි අතර මහනුවර සහ නුවරඑළිය දිස්ත්රික්කවල ද වැසි වාර කිහිපයක් ඇතිවිය හැකි බව කාලගුණවිද්යා දෙපාර්තමේන්තුව නිවේදනය කරනවා.
එසේම ඌව පළාතේත් අම්පාර, මඩකළපුව සහ මුලතිවු දිස්ත්රික්කවලත් තැනින් තැන සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකි බව යි ඔවුන් සඳහන් කරන්නේ.
දෘශ්ය ලෙස සූර්යයා දකුණට ගමන් කිරීමේදී, ඊයේ දින සිට සැප්තැම්බර් 07 දක්වා ශ්රී ලංකාව ආසන්න අක්ෂාංශවලට සෘජුවම ඉහළින් පවතින බව ද කාලගුණවිද්යා දෙපාර්තමේන්තුව පවසනවා.
ඒ අනුව අද දහවල් 12:11ට කිලිනොච්චිය දිස්ත්රික්කයේ පලවි සහ මුලතිවු දිස්ත්රික්කයේ චලෙයි ප්රදේශවලට හිරු මුදුන්ව පවතිනු ඇත.

