ශ්‍රී ලංකාවේ නිෂ්පාදිත තවත් ප්‍රතිජීවක කාණ්ඩ තුනක් භාවිතයෙන් ඉවතට

ළමුන්ගේ ශ්වසන රෝග ඇතුළු බැක්ටීරියා ආසාදන සඳහා භාවිතා කරන ‘කෝ අමොක්සික් ලෙව්’ නමැති ප්‍රතිජීවක ඖෂධයේ තවත් කාණ්ඩ තුනක් භාවිතයෙන් ඉවත් කිරීමට සෞඛ්‍ය අමත්‍යංශය තීරණය කර තිබෙනවා.

ඒ මෙම ප්‍රතිජීවක කාණ්ඩ තත්ත්වයෙන් බාල බවට තහවුරු වීමත් සමඟ ය.

ශ්‍රී ලංකාවේ නිෂ්පාදන සමාගමකට අයත් මෙම ඖෂධය රෝහල් පද්ධතිය තුළ බහුල වශයෙන් භාවිතා කරන අතර වැඩි වශයෙන් ම ළමා රෝග අසදනවල දී පළමු පෙළ ඖෂධයක් ලෙස දැනට භාවිතා වෙනවා.