ධාවනයෙන් ඉවත් කර තිබූ ශ්රී ලංකා ගමනාගමන මණ්ඩලයට අයත් බස් රථ 175ක් අලුත්වැඩියා කර නැවත මගී ප්රවාහන පද්ධතියට එක්කර තිබෙනවා.
රටේ පැවති ආනයන සීමා හේතුවෙන් ඇති වූ අමතර කොටස් හිඟය සහ මිලදී ගැනීමේ මූල්ය දුෂ්කරතා නිසා වසර 03කට අධික කාලයක් ධාවනයෙන් ඉවත් කර තිබූ බස් රථ 852 කින් බස් රථ 400ක් නැවත අලුත්වැඩියා කිරීමට මහා භාණ්ඩාගාර ප්රතිපාදන යටතේ ඩිපෝ මට්ටමින් ව්යාපෘතියක් ආරම්භ කෙරුනා.
එහි එක් අදියරයක් යටතේ මෙලෙස බස්රථ 175 ක් ධාවනයට එක් කෙරුණු අතර ඒ සඳහා වැයකර ඇති මුදල රුපියල් මිලියන 300කට ආසන්න වෙන බවයි වාර්තා වෙන්නේ.
මෙම බස්රථ 175න් 15ක් පාසල් ළමුන් ප්රවාහනය සඳහා “සිසු සැරිය” වැඩසටහනට ලබාදීමට නියමිත අතර අනෙක් බස් රථ මගී ප්රවාහන අවශ්යතා සඳහා යොදා ගැනීමට අදාළ ඩිපෝ වෙත භාරදීමට නියමිතය.

