Online ක්රමවේදය ඔස්සේ විදෙස් ගමන් බලපත්ර නිකුත් කිරීමට අදාළ වැඩපිළිවෙල හෙට සිට ආරම්භ කරන බව මහජන ආරක්ෂක අමාත්ය ටිරාන් අලස් මහතා පවසනවා.
එහි සමාරම්භක වැඩසටහන ජනාධිපති රනිල් වික්රමසිංහ මහතාගේ ප්රධානත්වයෙන් හෝමාගම ප්රදේශීය ලේකම් කාර්යාලයේ දී සිදුකිරීමට නියමිත ය.
මහජනතාවට වඩාත් පහසුවෙන් විදේශ ගමන් බලපත්ර ලබාගැනීමට අවස්ථාව සලසාදීම මෙම වැඩපිළිවෙලෙහි අරමුණ බවයි ටිරාන් අලස් අමාත්යවරයා සඳහන් කරන්නේ.
නව වැඩපිළිවෙල යටතේ අයදුම් කර දින තුනක් ඇතුළත විදේශ ගමන් බලපත්රය කුරියර් සේවාවක් හරහා නිවසටම ගෙන්වා ගැනීමේ හැකියාව පවතිනවා.
කෙසේ වෙතත් ආගමන හා විගමන දෙපාර්තමේන්තුවේ විදේශ ගමන් බලපත්ර ලබාදීමේ එක්දින සේවාව ද සාමාන්ය පරිදි තව දුරටත් ක්රියාත්මක වන බවයි අමාත්යවරයා වැඩිදුරටත් ප්රකාශ කරන්නේ.

