දැනට ක්රියාත්මක වන සරල කරන ලද එකතු කළ අගය මත බදු (SVAT) ක්රමවේදය 2024 ජනවාරි මස 1 වනදා සිට ක්රියාත්මක වන පරිදි අහෝසි කිරීමට රජය තීරණය තිබෙනවා.
ඒ අනුව එකතු කළ අගය මත බදු පනතේ අදාළ විධිවිධාන සංශෝධනය කිරීම සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස් ලබාදීමට අමාත්ය මණ්ඩලයට ඉදිරිපත් කළ යෝජනාවට අනුමැතිය හිමි වී ඇත.
ජාත්යන්තර මුල්ය අරමුදලේ විස්තීර්ණ අරමුදල් පහසුකම අනුව එකතු කළ අගය මත බද්ද සම්බන්ධයෙන් ප්රධාන ප්රතිසංස්කරණ දෙකක් හඳුන්වා දිය යුතුව ඇති බවයි රජයේ ප්රවෘත්ති දෙපාර්තමේන්තුව නිවේදනය කරන්නේ.
බහුතරයක් නිදහස් කිරීම් ඉවත් කරමින් එකතු කළ අගය මත බදු (VAT) ක්රමය ප්රතිසංස්කරණය කිරීම මෙන්ම සරල කරන ලද එකතු කළ අගය මත බදු (SVAT) ක්රමය අහෝසි කිරීමත් සිදු කළ යුතු බව රජය සඳහන් කරනවා.

