ආණ්ඩු පක්ෂය නියෝජනය කරන සියලු මන්ත්රීවරුන්ට ලබන බදාදා එනම් මැයි 24 වන දින පාර්ලිමේන්තු සැසිවාරයට අනිවාර්යයෙන්ම සහභාගි වන ලෙස ආණ්ඩු පක්ෂයේ ප්රධාන සංවිධායකවරයා විසින් ලිඛිතව දැනුම් දී තිබෙනවා.
ඉරි තුනේ නිවේදනයක් මගින් එම දැනුම් දීම සිදුකර ඇති බව යි ආණ්ඩු පක්ෂය නියෝජනය කරන ජ්යෙෂ්ඨ මන්ත්රිවරයෙකු සඳහන් කළේ.
පාර්ලිමේන්තු සභා වාරයට අනිවාර්යයෙන් සහභාගී වීම සඳහා ඉරි තුනේ නිවේදනය නිකුත් කරන අතර, එම නිවේදනයට අනුව පාර්ලිමේන්තු සැසිවාරයට සහභාගී නොවුන හොත් ඊට මන්ත්රීවරුන් විසින් නිදහසට කරුණු දැක්වීම සිදුකළ යුතු වෙනවා.
මැයි මස 24 වන දින මහජන උපයෝගීතා කොමිසමේ සභාපති ජනක රත්නායක මහතා ධුරයෙන් ඉවත් කිරීමේ යෝජනාව විවාදයට ගැනීමට නියමිත අතර එදින පස්වරුවේ ඊට අදාළ ඡන්ද විමසීම පැවැත්වීමට නියමිතය.
මෙම විවාදය සම ඡන්ද විමසීම ඉතා වැදගත් බැවින් ආණ්ඩු පක්ෂය නියෝජනය කරන මන්ත්රීවරුන්ට එදිනට සහභාගි වීම අනිවාර්ය කර ඇති බව ආණ්ඩු පක්ෂයේ මන්ත්රීවරුන් පෙන්වාදෙයි.

