අද දිනයේ ප්රදේශ කිහිපයකට උණුසුම් කාලගුණික තත්ත්වයක් පැවතිය හැකි බව දක්වමින් කාලගුණ දෙපාර්තමේන්තුව විසින් අවවාදාත්මක නිවේදනයක් නිකුත් කර තිබෙනවා.
උතුරු, උතුරු-මැද, නැගෙනහිර සහ ඌව පළාත්වලත් සහ හම්බන්තොට දිස්ක්රික්කයේ ඇතැම් ස්ථානවලත් උණුසුම් දර්ශකය, එනම් මිනිස් සිරුරට දැනෙන උණුසුම “අවධානය” යොමු කළ යුතු මට්ටමක පවතිනු ඇති බවට අපේක්ෂා කෙරෙන බව යි ඔවුන් දැනුම් දෙන්නේ.
බස්නාහිර, සබරගමුව, වයඹ, මධ්යම සහ නැගෙනහිර පළාත්වලත් මුලතිව් දිස්ත්රික්කයේත් සවස් කාලයේදී හෝ රාත්රී කාලයේ දී තැනින් තැන වැසි හෝ ගිගුරුම් සහිත වැසි ඇති විය හැක.
එමෙන්ම බස්නාහිර වෙරළබඩ ප්රදේශවලත් ගාල්ල සහ මාතර දිස්ත්රික්කවලත් උදෑසන කාලයේදී ද වැසි ස්වල්පයක් ඇති විය හැකි බවයි කාලගුණ විද්යා දෙපාර්තමේන්තුව වැඩිදුරටත් සඳහන් කරන්නේ.

