විජයග්‍රාහණයේ සැමරුම් දිනයේ දී යුද්ධ හමුදා නිලධාරීන් 452 කට සහ සෙසුනිලයින් 4,289 කට උසස්වීම්

12 වන විජයග්‍රාහි සැමරුමට සමගාමීව ජනාධිපතිවරයාගේ නිර්දේශ මත ශ්‍රී ලංකා යුද්ධ හමුදා නිත්‍ය හා ස්වෙච්ඡා බලසේනාවේ නිලධාරින් 452 දෙනෙකු සහ සෙසුනිලයින් 4,289 දෙනෙකු මීළඟ නිලයට උසස්කිරීම සිදුකර තිබෙනවා.

ඒ අනුව, බ්‍රිගේඩියර් නිලයෙන් නිලධාරීන් 12 දෙනෙකු මේජර් ජෙනරල් නිලයට, කර්නල් නිලයෙන් නිලධාරීන් 37 දෙනෙකු බ්‍රිගේඩියර් නිලයට, ලුතිතන් කර්නල් නිලයෙන් නිලධාරීන් 39 දෙනෙකු කර්නල් නිලයට, මේජර් නිලයෙන් නිලධාරීන් 40 දෙනෙක් ලුතිතන් කර්නල් නිලයට, කපිතන් නිලයෙන් නිලධාරීන් 62 දෙනෙක් මේජර් නිලයට, ලුතිතන් නිලයෙන් නිලධාරීන් 61 දෙනෙක් කපිතන් නිලයට සහ දෙවන ලුතිතන් නිලයෙන් නිලධාරීන් 201 දෙනෙක් ලුතිතන් නිලයට යනාදී වශයෙන් නිත්‍ය හා ස්වෙච්ඡා බලසේනාවේ නිලධාරින් උසස්කර ඇති බවයි ශ්‍රී ලංකා යුද හමුදාව පවසන්නේ.