ගැබිණි මව්වරුන්ට දැනුම්දීමක්

ඉන්ධන අර්බුධයත් සමඟ රට තුළ මතුව ඇති තත්ත්වය හේතුවෙන් දරු ප්‍රසූතියට දෙසතියකටවත් පෙර රෝහල් ගත වන්නැයි නාරි සහ ප්‍රසව විශේෂඥ වෛද්‍යවරුන්ගේ විද්‍යාතනය ගැබිණි මව්වරුන්ට දැනුම් දෙනවා. ගතවූ දින කිහිපය තුළ දිවයින පුරා නිවෙස්වලදී දරුවන් ප්‍රසූත කිරීමේ සිද්ධීන්වල ඉහළ යෑමක් වාර්තාවන බව රජයේ පවුල් සෞඛ්‍ය සේවා සංගමය පවසනවා. ඒ අනුව පසුගිය දින දෙක තුළ නිකවැරටිය, පිටකෝට්ටේ සහ මෝදර ඇතුලු ප්‍රදේශ කිහිපයකින් එවැනි සිද්ධීන් වාර්තාවී තිබෙනවා. දරු ප්‍රසූතිය සඳහා සූදානම් වන මව්වරුන් අනුගමනය කළ යුතු ක්‍රියාමාර්ග සම්බන්ධයෙන් සෞඛ්‍ය ප්‍රවර්ධන කාර්යාංශය ගැබිනි මව්වරුන් දැනුවත් කරනවා.

මේ අතර පවතින ඉන්ධන ගැටලුව හේතුවෙන් මහජන සෞඛ්‍ය පරීක්ෂකවරුන්, පවුල් සෞඛ්‍ය සේවිකාවන් ඇතුළු අතුරු වෛද්‍ය සේවාවට අයත් වෘත්තීන් 8 ක් අද පෙරවරුවේ සිට රාජකාරිවලින් ඉවත් වු බවත් අප වාර්තාකරු සදහන් කරනවා.