මෙවර යල කන්නයේ වී මිලදී ගැනීම් අද (13) සිට ආරම්භ කිරීමට නියමිතව තිබෙන බවයි වී අලෙවි මණ්ඩලය සඳහන් කරන්නේ.
මේ දිනවල වැඩිම වී අස්වනු නෙලන ප්රදේශ ආශ්රිතව වී ගබඩා විවෘත කරමින් වී මිලදී ගැනීම් ආරම්භ කරන බව එම මණ්ඩලයේ සභාපති මංජුල පින්නලන්ද මහතා පැවසුවා.
ඒ අනුව උතුරු නැගෙනහිර සහ අම්පාර යන ප්රදේශ ආශ්රිතව දැනට වී අස්වනු බහුල වශයෙන් නෙලීම ආරම්භ වී ඇති බැවින් එම ප්රදේශ ආශ්රිතව වී මිලදී ගැනීම් සිදු කරන බවද ඒ මහතා පැවසීය.
මෙවර වී අලෙවි මණ්ඩලය වී මිලදී ගනු ලබන මිල ගණන් පසුගියදා ප්රකාශයට පත් කෙරුණු අතර එහිදී නාඩු කිලෝ එකක් රුපියල් 120, සම්බා වී කිලෝවක් රුපියල් 130, කීරි සම්බා වී කිලෝවක් රුපියල් 140ක් යන මුදලට මිලදී ගැනීම සඳහා තීරණය වී තිබුණි.
ස්ථාන 143ක ගබඩාවලින් වී මිලදී ගැනීම සඳහා මේ වන විට සැලසුම් සකස් කර ඇති බවයි වී අලෙවි මණ්ඩලය පැවසුවේ.
මෙම කාර්යන් සඳහා රජය විසින් වී අලෙවි මණ්ඩලය වෙත රුපියල් මිලියන 6,000ක මුදලක් ලබා දී ඇති අතර මීට අමතරව ඔඩපන ණය යටතේ තවත් රුපියල් මිලියන 10,000ක මුදලක් වෙන් කර තිබේ.

