අයහපත් කාලගුණික තත්ත්වය හේතුවෙන් මේ වන විට පුද්ගලයින් 28,000කට අධික පිරිසක් බලපෑමට ලක්ව ඇතැයි ආපදා කළමනාකරණ මධ්යස්ථානය පවසනවා.
එම මධ්යස්ථානය නිකුත් කළ නවතම වාර්තාවක දැක්වෙනුයේ ආපදාවෙන් පවුල් 7,482කට අයත් පුද්ගලයින් 28,933ක් බලපෑමට ලක්ව ඇති බවය.
මින් වැඩිම පිරිසක් බලපෑමට ලක්ව ඇත්තේ ගම්පහ දිස්ත්රික්කයෙන් වනවා. ඒ අනුව එහි පවුල් 3,950කට අයත් පුද්ගලයින් 15,313ක් පීඩාවට ලක්ව ඇති අතර එක් මරණයක්ද වාර්තා වේ.
මීට අමතරව පුත්තලම දිස්ත්රික්කයේ පවුල් 1,219කට අයත් පුද්ගලයින් 4,265ක්, කොළඹ දිස්ත්රික්කයේ පවුල් 1,051කට අයත් පුද්ගලයින් 4,566ක්, රත්නපුර දිස්ත්රික්කයේ පවුල් 1,204කට අයත් පුද්ගලයින් 4,558ක්, කළුතර දිස්ත්රික්කයේ පවුල් 34කට අයත් පුද්ගලයින් 141ක්, ත්රිකුණාමලය දිස්ත්රික්කයේ පවුල් 20කට අයත් පුද්ගලයින් 80ක්, ගාල්ල දිස්ත්රික්කයේ පවුල් 09කට අයත් පුද්ගලයින් 7ක් සහ වව්නියාව දිස්ත්රික්කයේ එක් පවුලකට අයත් පුද්ගලයින් 03ක්ද කාලගුණික තත්ත්වය හමුවේ බලපෑමට ලක්ව තිබේ.
මේ අතර ආපදා තත්ත්වය හේතුවෙන් පූර්ණ නිවාස හානි 02ක් සහ අර්ධ නිවාස හානි 836ක්ද වාර්තා වී ඇති බවයි ආපදා කළමනාකරණ මධ්යස්ථානය නිකුත් කළ වාර්තාවේ දැක්වෙන්නේ.
ඉන් වැඩිම නිවාස හානි ප්රමාණයක් වාර්තා වී ඇත්තේද ගම්පහ දිස්ත්රික්කයෙන් වන අතර එම දිස්ත්රික්කයේ පූර්ණ නිවාස හානි 02ක් සහ අර්ධ නිවාස හානි 530ක් වාර්තා වී ඇති බවද අදාළ වාර්තාවේ සඳහන්ව තිබේ.

