ගාල්ල දිස්ත්රික්කයේ ප්රදේශ කිහිපයකට හෙට (20) දිනයේ පැය 30ක ජල කප්පාදුවක් සිදුකරන බව ජාතික ජල සම්පාදන සහ ජලාපවහන මණ්ඩලය නිවේදනය කරනවා.
ඒ අනුව හෙට පෙරවරු 8.00 සිට පසුදින එනම් අනිද්දා (21) ප.ව.2.00 දක්වා වූ පැය 30ක කාලය තුළ මෙලෙස ජල සැපයුම අත්හිටුවීමට නියමිත බවයි මණ්ඩලය නිකුත් කළ නිවේදනයේ දැක්වෙන්නේ.
ගාල්ල, හපුගල ජල පිරිපහදුව වෙත ජලය සපයන ප්රධාන නළ මාර්ගයේ අත්යවශ්ය අලුත් වැඩියාවක් හේතුවෙන් මෙම ජල කප්පාදුව සිදු වනවා.
ඒ අනුව බෝපේ, පෝද්දල, අක්මීමන සහ රත්ගම යන ප්රදේශයේ සඳහා මෙලෙස ජල සැපයුම අත්හිටුවීමට නියමිතය.
එසේම අහංගම ප්රදේශයට අඩු පීඩන තත්ත්ව යටතේ ජල සැපයුම සිදුවන බව ජාතික ජල සම්පාදන සහ ජලාපවහන මණ්ඩලය සඳහන් කරයි.
ජල සැපයුම අත්හිටුවීමෙන් ජනතාවට සිදුවන අපහසුතාවය පිළිබඳව කණගාටුව පළකරන බවත් අරපිරිමැස්මෙන් ජලය පරිභෝජනය කරන ලෙසත් ජාතික ජල සම්පාදන සහ ජලාපවහන මණ්ඩලය ජනතාවගෙන් ඉල්ලා සිටිනවා.

