ජනාධිපති අනුර කුමාර දිසානායක එළැඹෙන ජූලි 28 වනදා මාලදිවයිනේ තෙදින නිල සංචාරයක නිරතවීමට සැලසුම් කර තිබෙනවා.
විදේශ අමාත්ය විජිත හේරත් නිවේදනයක් නිකුත්කරමින් සඳහන් කළේ මාලදිවයින් ජනාධිපති මොහොමඩ් මුයිසුගේ ආරාධනයකට අනුව ජනාධිපතිවරයා මෙම සංචාරයේ නිරතවන බවයි.
මෙම සංචාරය අතරතුර ජනාධිපතිවරයා ද්විපාර්ශ්වික සාකච්ඡා පැවැත්වීමටත්, අන්යෝන්ය සහයෝගිතාව වර්ධනය කිරීම සඳහා අවබෝධතා ගිවිසුම් කිහිපයක් හුවමාරු කර ගැනීමටත් නියමිතය.
එසේම මාලදිවයිනේ ව්යාපාරික සංසදය ඇමතීම සහ ශ්රී ලාංකික විදේශගත ප්රජාව හමුවීමටද මෙම සංචාරය අතරතුර දී සැලසුම් කර තිබෙනවා.
මෙම අවස්ථාවට විදේශ කටයුතු, විදේශ රැකියා සහ සංචාරක අමාත්ය විජිත හේරත් ඇතුළු රජයේ ජ්යෙෂ්ඨ නිලධාරීහු පිරිසක්ද සහභාගිවීමට නියමිතවයි.

