2025 කන්ද උඩරට ඓතිහාසික ඇසළ පෙරහැර මහා මංගල්යයට දින නියම කර තිබෙනවා.
දියවඩන නිලමේ ප්රදීප් නිලංග දෑල මහතා සඳහන් කළේ, සතර මහා දේවාලයන්හි සුබ නැකතට කප් සිටුවීමෙන් ජුලි මස 25 වනදා ඇසළ පෙරහර මංගල්යය ආරම්භ කෙරෙන බවය.
මහනුවර ඇසළ පෙරහැර වීදී සංචාරය කරන දින වකවානු දැනුම්දීම සහ ඊට අදාළ සංවිධාන කටයුතු සාකච්ඡා කිරීම වෙනුවෙන් අද (19) ශ්රී දළදා මාලිගාවේ රන් ආවුද මණ්ඩපයේ පැවැති සාකච්ඡාවේදී දියවඩන නිලමේ ප්රදීප් නිලංග දෑල මහතා මේ බව සඳහන් කරනු ලැබුවා.
දේවාල අභ්යන්තර පෙරහැර දින 05ක් පැවැත්වීමෙන් අනතුරුව ප්රථම කුඹල් පෙරහැර ජුලි 30 වනදා වීදී සංචාරය කිරීමට නියමිතයි.
කුඹල් පෙරහැර ජුලි 30 සිට අගෝස්තු 03 දක්වා වීදී සංචාරය කිරීමෙන් පසු අගෝස්තු 04 වනාද ප්රථම රන්දෝලි පෙරහැර වීදී සංචාරය කරනු ඇත.
එසේම අවසන් රන්දෝලි මහ පෙරහැර නිකිණි පුන් පොහොය දින (08) රාත්රියේ වීදි සංචාරය කිරීමට සැලසුම් කර තිබේ.

