ලුණු ආනයනය කිරීම සඳහා පෞද්ගලික අංශයට අවසර ලබා දී ඇති බව ලංකා ලුණු නිෂ්පාදකයින්ගේ සංගමය පවසනවා.
ලුණු නිෂ්පාදන කර්මාන්තකරුවන් සහ කර්මාන්ත අමාත්යංශයේ ලේකම්ගේ ප්රධානත්වයෙන් අද (03) සාකච්ඡාවක් පැවැත්වුනු අතර එහි දී මෙම තීරණය ගත බවයි ලංකා ලුණු නිෂ්පාදකයින්ගේ සංගමයේ සභාපති ගණක අමරසිංහ මහතා සඳහන් කළේ.
වෙළෙඳපොළේ ඇතිවිය හැකි ලුණු හිඟයට හේතුවක් ලෙස කර්මාන්ත අවශ්යතා සඳහා ලුණු මෙට්රික් ටොන් 30,000ක් ආනයනය කිරීම සඳහා පසුගිය දෙසැම්බර් මාසයේදී කැබිනට් අනුමැතිය හිමිවුණි.
ජනවාරි මස 31 වැනිදා දක්වා රාජ්ය අංශයට එම අවසරය ලබාදී තිබූ නමුත් පසුව පැවති තත්ත්වය සැලකිල්ලට ගනිමින් එම කාලය පෙබරවාරි මස 28 වැනිදා දක්වා දීර්ඝ කරනු ලැබුවා.
ඒ අනුව, රාජ්ය වාණිජ විවිධ නීතිගත සංස්ථාව මගින් මේ දක්වා මෙරටට ආනයනය කර ඇති ලුණු ප්රමාණය මෙට්රික් ටොන් 11,890කි.

