පාසල් ළමුන් ප්‍රවාහනය වාහන කහ පාට කරන්න සුදානම්

පාසල් ළමුන්ගේ ආරක්ෂාව සඳහා ජූලි මාසයේදී කරන ලද යෝජනාවකට අනුව පාසල් ප්‍රවාහන සේවා සඳහා භාවිතා කරන සියලුම ශ්‍රී ලංකා ප්‍රවාහන මණ්ඩල (SLTB) බස් රථ කහ පැහැයෙන් වර්ණාලේප කර තිබෙනවා.

පාසල් ළමුන් ප්‍රවාහනය කිරීමේ යෙදී සිටින සියලුම පෞද්ගලික වාහන ද යෝජනාවට අනුව ක්‍රමයෙන් කහ පැහැයෙන් වර්ණාලේප කිරීමට නියමිතයි.

පාසල් ප්‍රවාහන සේවාවලට සම්බන්ධ සියලුම බස් හා වෑන් රථ කහ පැහැයෙන් වර්ණාලේප කළ යුතු යැයි ජනාධිපති ගෝඨාභය රාජපක්ෂ මහතා උපදෙස් දීමෙන් පසුව මෙම පියවර ගෙන තිබෙනවා.