රති කෙලියේ යෙදෙනකොට මේ දේවල් ගැන ඔයාටත් ලැජ්ජා හිතෙනවද

සෙක්ස් කරන්න ඇඳට ගියාම ඉතින් එක එක දේවල් හිතට එනවා නේ ….

සමහර වෙලාවට අපිට අපේ සමහර දේවල් ගැන ලැජ්ජාවක් ඇති වෙනවා . ගොඩක් වෙලාවට සෙක්ස් කරන මුල් දවස් වල, එහෙමත් නැත්නම් අලුත් partner කෙනෙක් එක්ක ඉස්සෙල්ලම කරනකොට වගේ මේ දේවල් වලින් එකක් හරි ඔයාට අනිවාර්යයෙන්ම හිතිලා ඇති .

එත් ඇත්තටම ඒ දේවල් ගැන ලැජ්ජා වෙන්න ඕනේ ද ? එන්න අපි බලමු

size එක

මේක දෙගොල්ලොන්ටම පොදු දෙයක් . පිරිමි අය වගේම ගැහැණු අයත් සෙක්ස් කරන්න ගියාම මේ size එක ගැන ගොඩක් හිතනවා, තමන්ගේ size එක ගැන සෑහීමකට පත් වෙන්නේ බොහොම අඩු පිරිසක් . ඒ වගේම ගොඩක් අයට බය හිතෙනවා ඒක දැක්කම අනික් කෙනා මොකක් කියයි ද කියලත්.

ඔයා මොන size එකට අයිති කෙනෙක් වුණත් ඒ දේට නම් ඔයා කවදාවත් සෙක්ස් වලින් උපරිම වින්දනයක් ලබා ගන්න වගේම අනෙක් කෙනාට උපරිම වින්දනයක් ලබා දෙන්නත් බාධාවක් වෙන්නේ නැහැ.

පිරිමි කෙනෙක් ශිෂ්ණයේ දිග පළල ගැන worry වෙනවා වගේම , කාන්තාවන් එයාලගේ පියයුරු සහ තට්ටම් ගැන worry වෙනවා. ගොඩක් අය internet එකේ තියෙන sizes එක්ක තමන්ගේ දේවල් compare කරනවා. තමන්ගේ ඒ වගේ නැහැ කියලා දුක් වෙනවා. මතක තියා ගන්න ඒ දේවල් එකක්වත් ඇත්ත දේවල්වත් , ස්වාභාවිකව කෙනෙක්ට පිහිටන දේවල්වත් නෙමෙයි.

ඒ නිසා කවදාවත් ඔයා ඔයාගේ ඒ දේවල් වල size එක ගැන හිතලා ලැජ්ජා වෙන්නවත් තමන්ව අවතක්සේරු කර ගන්නවත් යන්න එපා .

ඒ වගේම තමයි ඒ දේවල් ගැන කියලා ඔයාගේ partner ඔයාව අපහසුතාවයට පත් කරනවා නම් , එයා එක්ක තවදුරටත් ඒ ක්‍රියාවේ යෙදෙන එක තේරුමක් නැති දෙයක් විදිහටයි මම නම් දකින්නේ . මොකද සෙක්ස් කියන්නේ එකිනෙකාට ආදරය කරමින් කරන්න ඕනේ දෙයක් මිසක් , තවකෙනෙක්ගේ size එක බලන්න කරන්න ඕනේ දෙයක් නෙමෙයි .

එතන ගඳයි , එතන කළුයි

මේක නම් පිරිමි ළමයින්ට වඩා ගොඩක් ගැහැණු ළමයින්ට තියෙන ප්‍රශ්නයක් . අපි හැමෝගෙම ශරීරයේ අනෙක් ස්ථාන වලට වඩා ලිංගික අවයවය ආශ්‍රිතව අඳුරු පැහැ සමක් තමයි තියෙන්නේ. ඒ ප්‍රදේශ ආශ්‍රිතව තියෙන අධිර රුධිර සැපයුම නිසයි එහෙම වෙලා තියෙන්නේ .

එතන කලුයි කියලා එතනට වෙනම සුදු වෙන්න කියලා ක්‍රීම් ගාන්න ඕනේ , අරකයි මේකයි කියලා හිතන්න එපා . බය නැතුව තමන්ගේ partner ඉස්සරහ තමන්ගේ ලිංගික අවයවය confident විදිහට පෙන්නන්න . ආයේ එකේ හැඩය පාට ගැන ලැජ්ජා හිතන්න යන්න එපා .

ඒ වගේම එතන ගඳ ඇති, මගේ විතරයි ගඳ , කියලා හිතන්නත් එපා . ඒ දේවල් හරිම ස්වාභාවික දේවල් .

අවශ්‍ය වෙන්නේ ගැහැණු පිරිමි කොයි කවුරුත් පිරිසිදුව ඉන්න එක . ඒ ස්ථාන හොඳින් සෝදලා පිරිසිදුව තියා ගෙන නම් ඉන්නේ එකේ අනික් දේවල් ගැන පොඩ්ඩක්වත් ඔයා ලැජ්ජා හිතන්න එපා .

තමන්ගේ සෙක්ස් ෆැන්ටසි එක

එක එක අය මේ ලෝකේ ආස දේවල් වෙනස් . ඉතින් සෙක්ස් කරනකොට වුණත් එක එක අය බලාපොරොත්තු වෙන්නේ එක එක දේවල් .

ගොඩක් අයට මේ තමන්ගේ අවශ්‍යතාවය කියන එක ගැන ලැජ්ජාවක් ඇති වෙන්න පුළුවන්.

එයා මොනවා හිතයි ද , කොහොමද ඒ දේවල් ගැන ඔච්චර දන්නේ , ඊයා කියයි කියලා වගේ දහසකුත් දේවල් හිතට ඒ වෙලාවට එන්න පුළුවන් .

උදාහරණයක් විදිහට සමහර අය ආසයි පස්සට දාන්න . ඉතින් ඒක කරන්න නම් තමන් තමන්ගේ partner එක්ක තමන්ගේ ආසාව බෙදා ගන්න ඕනේ නේ . කාටවත් කාගේවත් හිත් කියවන්න බැරි නිසා ලැජ්ජාව පැත්තකින් තියලා ඒ දේ කිව්වොත් විතරයි ඒ ෆැන්ටසිය හැබෑවක් වෙන්නේ .

ඒ ෆැන්ටසි එකක්වත් හරි වැරදි කියලා කාටවත් වර්ග කරන්න බැහැ. ඒ නිසා ලැජ්ජ වෙන්නේ නැතුව අනිවාර්යයෙන් ඔයාගේ හිතේ තියෙන ආසාව කියලා ඒ දේ ඉෂ්ට කර ගන්න

ඔයාත් ඔයාගේ partner කියන එයාගේ ආසාවල් වලට හොඳින් ඇහුම්කන් දෙන්න . එයාව ලැජ්ජා කරන්න , බනින්න , හිනා වෙන්න නෙමෙයි ඒ දේවල් පොඩියට හරි කරන්න උත්සාහ කරන්න . එතකොට තමයි දෙන්නා අතර හොඳ සම්බන්ධයක් ඇති වෙන්නේ .

එත් එයාගේ ඒ ෆැන්ටසිය ඇතුලේ ඔයාට අපහසුතාවක් තියෙන මොනවා හරි තියෙනවා නම් ඒ දේවල් කියලා දෙන්නා එක්ක දෙන්නටම හරියන විදිහට කරලා බලන්න .

එක එක සද්ද

අපි සෙක්ස් කරනකොට අපේ තියෙන හැඟීම් එළියට දාන්න විවිධ ශබ්ද උපයෝගී කර ගන්නවා . බොහෝ විට කාන්තාවන් ලිංගිකව එක්වෙනකොට එයාගේ ඒ දැනෙන ආශ්වාදය එළියට දාන්නේ කෙඳිරි ගෑමක් තුළින්. පිරිමි අයත් යම් යම් ශබ්ද පිට කරනවා . ඔයා ඒ ආශ්වාදය ඇති වෙනකොට මොන වගේ ශබ්දයක් ද පිට කරන්නේ , එක කොහොමද කියන එක ගැන ඔයා ලැජ්ජා හිතන්න එපා.

ඒ වගේම තමයි සමහර වෙලාවට farting එකක් වෙන්නත් පුළුවන් . ඇත්තටම එක හරිම සාමාන්‍ය අපි හැමෝටම වෙන දෙයක් වුණත් මේ වෙලාවේ හරිම ලැජ්ජාවක් හිතට ඇති වෙන්න පුළුවන් . අනෙක් කෙනා තමන් ගැන මොනවා හිතයි ද කියන එක ගැන හිතලම සෙක්ස් කරන එකත් එතනින් ඉවර වෙන්න පුළුවන්.

ගැහැණු කෙනෙක් ගේ නම් චලන එක්ක යෝනි මාර්ගයෙන් පවා වාතය පිට වෙන්න පුළුවන් . ඒකත් හරිම සාමාන්‍ය දෙයක් .

අනෙකා පිට කරන ශබ්ද ගැන කියලා එයාට හිනා වෙන්න යන්නත් එපා . ඒවා හරිම සාමාන්‍ය දේවල් විදිහට සලකලා ඒ දේවල් ගැන නොසලකා හරිමින් ඔයා ඔයාගේ වැඩේ දිගටම කරන්න .

මේ දේවල් හරිම සරල, ඒ වුණත් අපි හරිම ලොකුවට හිතන දේවල් . ඒ දේවල් ලොකුවට ගන්න එකෙන් අපේ ඇතුලේ insecurities ඇති වෙන්න පුළුවන් . ඒවා ගැන හිතලා වැඩි වෙලා පස්සේ depression තත්ත්ව පවා ඇති වෙන්න පුළුවන් .

කරන්න ඕනේ ඒ දේවල් තේරුම් අර ගෙන ඒ දේවල් නිසා ලැජ්ජා වෙන එක නතර කර ගන්න එක. අපි කවුරුත් පරිපූර්ණ මිනිස්සු නෙමෙයි . තමන් තමන්ගේ ශරීරය accept කරන්න. තමන්ගේ partner ටත් ඒ දේ පුරුදු කරන්න.

කිසිම වෙලාවක කිසිම හේතුවක් නිසා අනෙක් කෙනාව අපහසුතාවයට පත් කරන්න යන්න එපා …