දිවයිනේ ප්රදේශ කිහිපයක උෂ්ණත්වය අවධානය යොමුකළ යුතු මට්ටමක් දක්වා තවදුරටත් ඉහළ යනු ඇති බව කාලගුණවිද්යා දෙපාර්තමේන්තුව නිවේදනය කරනවා.
නිවේදනයක් නිකුත් කරමින් එම දෙපාර්මේන්තුව සඳහන් කරන්නේ, බස්නාහිර, වයඹ, දකුණු සහ සබරගමුව පළාත්වලත් අනුරාධපුර, මන්නාරම, ත්රිකුණාමලය සහ මඩකලපුව දිස්ත්රික්කවලත් ඇතැම් ස්ථාන සඳහා උෂ්ණත්වය අවධානය යොමුකළ යුතු මට්ටමේ පවතින බවය.
අද (11) පස්වරු 4.00 නිකුත් කරන ලද එම නිවේදනය හෙට (12) දිනය දක්වා වලංගු වන බව එම දෙපාර්මේන්තුව සඳහන් කරයි.
මේ අතර වැඩබිම් තුළ සිටින පුද්ගලයින් ප්රමාණවත් ලෙස ජලය පානය කරන්න ලෙසත් සෙවණ ඇති ස්ථානවල හැකි පමණ විවේක ගන්නා ලෙසත් කාලගුණවිද්යා දෙපාර්තමේන්තුව අවධාරණය කරනවා.
එසේම නිවෙස් තුළ සිටින වැඩිහිටි සහ රෝගී පුද්ගලයින් පිළිබඳ සැලකිලිමත් වෙන ලෙසත් වාහන තුළ කුඩා ළමුන් තනිවම රඳවා නොයන ලෙසත් දැනුම් දෙනවා.
එළිමහනේ සිටින පුද්ගලයින් අධික වෙහෙසකාරී කටයුතු සීමා කරන ලෙසත් සෙවණ ඇති ස්ථානවල රැඳෙන ලෙසත් ප්රමාණවත් ජලය පානය කරන ලෙසත් කාලගුණවිද්යා දෙපාර්තමේන්තුව වැඩිදුරටත් ඉල්ලා සිටියි.

