කුමන බලපෑම් පැමිණිය ද මත්ද්රව්ය හා පාතාලය මර්දනය කිරීමට මෙන්ම කාන්තාවන්ට සහ දරුවන්ට සිදුවන හිංසනය වැළැක්වීම අරමුණු කරගනිමින් දියත්කර ඇති කිසිදු මෙහෙයුමක් නැවැත්වීමට සූදානම් නැති බව මහජන ආරක්ෂක අමාත්ය ටිරාන් අලස් පවසනවා.
ඔහු පෙන්වා දෙන්නේ එම වැඩපිළිවෙළවල් කඩාකප්පල් කිරීමට විවිධ පුද්ගලයන් සහ කණ්ඩායම් උත්සාහ ගන්නා බවයි.
දෙසැම්බර් 17 වනදා ආරම්භ කළ යුක්තිය මෙහෙයුමෙන් මේ වන විට අත්අඩංගුවට ගෙන ඇති මත්ද්රව්යවල වටිනාකම රුපියල් බිලියන 7.8ක් වන අතර පොලිසිය භාරයට ගත් වාහන සහ ගොඩනැඟිලිවල වටිනාකම රුපියල් මිලියන 725ක් වනවා.
මේ වන විට වැටලීම් 58,562ක් සිදු කර ඇති අතර පුද්ගලයන් 58, 234ක් අත්අඩංගුවට ගෙන තිබෙන බවයි අමාත්යවරයා සඳහන් කරන්නේ.
එමෙන්ම පුද්ගලයන් ලියාපදිංචි කිරීමේ දෙපාර්තමේන්තුව හරහා නව හැඳුනුම්පත ලබාදීමටත්, ආගමන හා විගමන දෙපාර්තමේන්තු කාර්යාලයේ පවතින පෝලිම් අවම කිරීම සඳහා E Passport සේවාව හඳුන්වා දීමටත් ඉදිරියේ දී පියවර ගන්නා බව ඔහු වැඩිදුරටත් සඳහන් කර සිටියා.

