මෙරට සංචාරක කර්මාන්තයේ සිදුව ඇති නව පිබිදීමත් සමඟ සංචාරක කලාප ආශ්රිත පහසුකම් සම්බන්ධයෙන් සොයා බැලීමට ජනාධිපති රනිල් වික්රමසිංහ මහතා අද (17) තංගල්ල සහ ගාල්ල ප්රදේශවල නිරීක්ෂණ චාරිකාවකට එක් විය.
මෙහිදී සංචාරක හෝටල් කිහිපයක් වෙතම ගොස් ව්යාපාරිකයන් හමුවූ ජනාධිපතිවරයා ඔවුන්ගේ ගැටලු පිළිබඳව විමසා බැලුවා.
සංචාරක කර්මාන්තය ආශ්රිත ව්යාපාරික ප්රජාව ඉදිරිපත් කළ බොහෝ ගැටලුවලට එම අවස්ථාවේම අදාළ නිලධාරීන් දුරකථන මාර්ගයෙන් සම්බන්ධ කර ගනිමින් විසඳුම් ලබා දීමට ජනාධිපතිවරයා පියවර ගත් අතර එම කර්මාන්තයේ දියුණුව උදෙසා ගත යුතු පියවර පිළිබඳ ඔවුන්ගේ අදහස් ලබා ගැනීමට ද කටයුතු කරනු ලැබුවා.
කෙරෝනා වසංගතය සහ ආර්ථික අර්බුදය හේතුවෙන් මෙරට සංචාරක කර්මාන්තය සීග්ර කඩා වැටීමකට ලක් වූ අතර රජයේ නව සැලසුම් හේතුවෙන් මේ වන විට මෙරටට පැමිණෙන සංචාරකයන්ගේ සීග්ර ඉහළ යාමක් සිදුව ඇති බවයි හෙතෙම පෙන්වා දෙන්නේ.

