මළල ක්රීඩාවෙන් ශ්රී ලංකාවට රන් පදක්කම් හිමි කර දුන් මුලතිව්, මුල්ලියාවලෙයි හි පදිංචි අකිලා තිරුනායක මහත්මිය උතුරු පළාත් ආණ්ඩුකාර නිල නිවසේදී ජනාධිපති රනිල් වික්රමසිංහ මහතා හමු වී තිබෙනවා.
72 වියෙහි පසුවන විශ්රාමික බන්ධනාගාර නිලධාරිනියක වන ඇය පිලිපීනයේ පසුගියදා පැවති ජාතික මාස්ටර් සහ ප්රවීණයන්ගේ මලල ක්රීඩා උළෙලේදී මීටර් 5000 සහ මීටර් 1500 යන ඉසව්වලදී රන් පදක්කම් දෙකක් ද, මීටර් 800 ඉසව්වෙන් ලෝකඩ පදක්කමක්ද හිමි කර ගනු ලැබුවා.
එසේම මෙරට නියෝජනය කරමින් තායිලන්තය, ජපානය, සිංගප්පූරුව, මැලේසියාව සහ ඉන්දියාව යන රටවල පැවති ප්රවීණයන්ගේ තරගාවලි කිහිපයකදී රන්, රිදී සහ ලෝකඩ පදක්කම් ද දිනා ගැනීමට ඇය සමත් වී තිබෙනවා.
අකිලා තිරුනායක මහත්මියගේ ක්රීඩා කටයුතු පිළිබඳ විමසමින් සුහද පිළිසඳරක නිරතවූ ජනාධිපතිවරයා ඇය දිරිගැන්වීමක් ලෙස තිළිණපතක් ද ප්රදානය කරනු ලැබුවා.



