මෙරට තේ වගාව සඳහා අවශ්ය පොහොර රජයේ පොහොර සමාගම් දෙකක වන කොළඹ කොමර්ෂල් පොහොර සමාගම සහ ලංකා පොහොර සමාගම මගින් ලබා දීමට කෘෂිකර්ම හා වැවිලි කර්මාන්ත අමාත්යාංශය තීරණය කර තිබෙනවා.
මෙතෙක් තේ වගාව සඳහා අවශ්ය පොහොර ලංකා තේ මණ්ඩලය විසින් තේ වගාකරුවන් වෙත පුද්ගලික අංශයෙන් මිල දී ගැනීම සඳහා ණය මුදලක් ලබා දුන් අතර ඒ සඳහා වැඩි මිලක් ගෙවීමට තේ වගා කරුවන්ට සිදුවිය.
එසේම ඇතැම් තේ වගා කරුවන් පොහොර නොයොදා එම මුදල් වෙනත් කටයුතුවලට යොදවන බවට තොරතුරු ලැබී ඇතැයි කෘෂිකර්ම අමාත්යාංශය සඳහන් කරනවා.
මෙරට තේ වගාව සඳහා වාර්ෂික පොහොර අවශ්යතාවය මෙට්රික් ටොන් 40,000ක් වන අතර ඒ සඳහා වැය කෙරෙන මුදල රුපියල් මිලියන 6,800ක් පමණ වේ.

