විසල් මහනුවර සංවර්ධන සැලැස්මේ අවසන් කෙටුම්පත ජනාධිපති රනිල් වික්රමසිංහ මහතා වෙත භාරදීම ඊයේ මහනුවර ජනාධිපති මන්දිරයේ දී සිදු විය.
එම සාකච්ඡාවේදී ජනාධිපති රනිල් වික්රමසිංහ මහතා සඳහන් කළේ අදාළ සංවර්ධන කටයුතු කඩිනම් කිරීම පිළිබඳ ජයිකා ආයතනය සමඟ සාකච්ඡා කරන බවයි.
ඓතිහාසික මහනුවර නගරය මනා සැලසුම් සහගත, සංවිධානාත්මක සහ පූර්ණ සංවර්ධිත නගරයක් බවට පත් කිරීමට 2023 පෙබරවාරි මාසයේදී ජනාධිපති රනිල් වික්රමසිංහ මහතා ඉදිරිපත් කළ යෝජනාවට අමාත්ය මණ්ඩලයේ ඒකමතික අනුමැතිය හිමි වුණා.
මෙම නගර සංවර්ධන සැලැස්ම සකස් කිරීම සඳහා අග්රාමාත්ය ලේකම් අනුර දිසානායක මහතාගේ ප්රධානත්වයෙන් අදාල සියලු ආයතන නියෝජනය වන පරිදි නිලධාරීන් සහ නගර සැලසුම් ක්ෂේත්රයේ ප්රවීණයන්ගෙන් සමන්විත විශේෂ කමිටුවක් පත් කරනු ලැබුවා.
ඒ අනුව කටුගස්තොට, මහනුවර සහ කුණ්ඩසාලේ යන ප්රදේශවල යටිතල පහසුකම්, පහසුකම් සහ සේවා වැඩිදියුණු කිරීම කෙරෙහි විශේෂ අවධානයක් යොමු කරමින් විසල් මහනුවර සංවර්ධන සැලැස්ම සකස් කර තිබෙනවා.
මෙම සංවර්ධන සැලැස්ම මධ්යම පළාත් ආණ්ඩුකාරවරයා ඇතුළු මහනුවර දිස්ත්රික්කය නියෝජනය කරන මැති ඇමතිවරු වෙත ඉදිරිපත් කර තවදුරටත් අදහස් හා යෝජනා ලබා ගැනීමෙන් අනතුරුව නාගරික සංවර්ධන අධිකාරිය විසින් සකස් කළ අවසන් කෙටුම්පත මෙලෙස ජනාධිපතිවරයා වෙත භාරදීම සිදු විය.

