හෝර්ටන් තැන්න ජාතික වනෝද්යානය සහ ඒ ආශ්රිත ප්රදේශය ඉහළ පෙළේ සංචාරකයන්ගේ (High-end Tourism) කේන්ද්රස්ථානයක් ලෙස සංවර්ධනය කිරීමේ අවශ්යතාව ජනාධිපති රනිල් වික්රමසිංහ මහතා පෙන්වා දී තිබෙනවා.
ඒ අද (15) පෙරවරුවේ හෝර්ටන් තැන්න ජාතික වනෝද්යානයේ නිරීක්ෂණ චාරිකාවකට එක් වෙමිනුයි
හෝර්ටන් තැන්න ජාතික වනෝද්යානයේ අඩවි කාර්යාලය වෙත පැමිණි ජනාධිපතිවරයා එහි තැන්පත් කර ඇති විශේෂ අමුත්තන්ගේ පොතේ සමරු සටහනක් ද තැබූ අතර අනතුරුව ඔහිය මාර්ගය ඔස්සේ වනෝද්යානයේ නිරීක්ෂණ චාරිකාවකට එක්විය.
හෝර්ටන් තැන්න ජාතික වනෝද්යානය ආශ්රිතව වනජීවි දෙපාර්තමේන්තුවට සහ වන සංරක්ෂණ දෙපාර්තමේන්තුවට අයත් භූමි ප්රදේශ ද මෙහිදී ජනාධිපති රනිල් වික්රමසිංහ මහතා සිතියම් මූලාශ්රයෙන් නිරීක්ෂණය කළා.
එසේම හෝර්ටන් තැන්න ජාතික වනෝද්යානය සහ එහි පේරක කලාපයට අයත් සියලු ඉඩම් එක් සිතියමකට සිතියම්ගත කර කඩිනමින් තමා වෙත ලැබීමට සලස්වන ලෙස නිලධාරීන්ට උපදෙස් ලබා දීමක් ද සිදු කරනු ලැබුවා.
දෙස් විදෙස් සංචාරකයන්ගේ දැඩි ආකර්ශණයට ලක්ව තිබෙන හෝර්ටන් තැන්න සහ ඒ ආශ්රිත ප්රදේශය ඉහළ පෙළේ සංචාරකයන් ඉලක්ක කර ගනිමින් සංවර්ධනය කිරීම මගින් රටට ඉහළ විදේශ විනිමයක් උපයා ගත හැකි බව ජනාධිපතිවරයා මෙහිදී පෙන්වා දුන්නා.

