උඩවලව ජලාශයේ වේල්ල මතින් දිවෙන මාර්ගය තාවකාලිකව වැසේ

උඩවලව ජලාශයේ පිටවාන ආශ්‍රිතව සිදුකෙරෙන අත්‍යාවශ්‍ය ඉදිකිරිම් කටයුත්තක් හේතුවෙන් එම වේල්ල මතින් දිවෙන මාර්ගය හෙට සිට ලබන 22 වනදා දක්වා වසා තැබෙන බව මහවැලි අධිකාරිය නිවේදනය කරනවා.

ඒ අනුව ලබන 23 වනදා සිට ජනවාරි 6 වනදා දක්වා එක් මංතීරුවක් පමණක් ගමනාගමනයට විවෘත කිරීමට නියමිත අතර ලබන වසරේ ජනවාරි 7 වනදා සිට ජනවාරි 14 වනදා දක්වා ද මාර්ගය සම්පූර්ණයෙන් වසා දැමීමට නියමිත ඇත.

උඩවලව – ඇඹිලිපිටිය හරහා දහතුනේ කණුව දක්වා වන මාර්ගය විකල්ප මාර්ග ලෙස භාවිත කළ හැකි බවයි මහවැලි අධිකාරිය වැඩිදුරටත් සඳහන් කළේ.